قصيدة في التحذير من المخدرات

الف شكر عزيزي عساف على نقل هذا الموضوع الرائع والقصيده الهادفه ...

والى الامام ...

الشعر واجب وانا شاعر وجيـت
شاعرِ تفرض عليـه الواجبـات
جيت باحساسي وكلي كمبليـت
اب لغة وحدة عن السبـع اللغـات
والهدف سامي ويبقى ماحييـت
نصح ليت اله الاذاني صاغيـات
في الحقيقة كم سمعت وكم قريت
عن مواجع عن حوادث مذهلات
عن ضياع وعن دمار وقفل بيت
وعن حزن قطع قلوب الامهـات
لو عرفت السر يالجاهل بكيـت
لو سالت عن السبايب كيف جات
جات من سكة وهم فيها مشيـت
غرك الشيطان عن درب الثبـات
ابتديت بنـزوةِ وابهـا انتهيـت
حيثها سكـة وبـاء ومخـدرات
سم قاتل جرم فادح وش لقيـت
مالقيت الا العقوبـة والشمـات
انهـدم حلـمِ لتحقيقـه سعيـت
ضاع مستقبلك والتفكيـر مـات
ليت ماتنفع ولـو كـررت ليـت
وانت من عرض حياته لشتـات
فوق من غفلتك وادر ان مادريت
انك بهمتـك تصنـع معجـزات
سكة التوبه ليـا منـك نويـت
الدروب الهـا تجيـك ميسـرات
استعـن بالله ليـا منـك بليـت
اطلـب الخـلاق رب الكائنـات
استقيم وصل فرضـك ماحييـت
تنتهي عن فعل كـل المنكـرات
وابتعد عن مجلس السوء المميت
عن رفيق يحرضـك للموبقـات
واذكر الماضي ليا منك نسيـت
يوم ذلتـك السمـوم المهلكـات
واحتسبها غفلة ومنها صحيـت
لا تكرر واعتبـر مافـات مـات
..........
عواض عبدالرحمـن الشهيـب